Illugi sýnir okkur hvað við erum lítil: „Maður lifandi, allt það furðulega líf!“

Illugi Jök­uls­son fjöl­miðla­maður með meiru er haf­sjór af fróð­leik, það vita allir sem vilja vita. Í nýj­ustu færslu sinni á Facebook kemur hann með fróð­leik sem sýnir okkur hversu agn­arsmá við mann­fólkið erum í stóra sam­heng­inu.

Í færsl­unni birtir Illugi gull­fal­lega ljós­mynd af fimm stjörnu­þokum sem kall­ast Kvintett Stefáns. Segir hann ómögu­legt að segja til um fjölda sól­stjarna innan Kvin­tetts­ins en að þær gætu talið hvorki meira né minna en 500-700 millj­arða. Færsluna og ljós­mynd­ina ótrú­legu má sjá hér að neðan:

„Heim­ur­inn er frekar stór. Hér eru fimm stjörnu­þokur sem mynda hóp­inn Kvintett Stefáns. Ein þeirra, sú í miðið vinstra megin, er reyndar miklu nær okkur en hinar fjórar sem eru á sama svæði og eiga í kröppum dansi um víð­átt­una. Engin leið er að segja til um fjölda þeirra sól­stjarna sem til­heyra Kvin­tett­inum en þær gætu verið 500-700 millj­arðar. Og um sól­irnar snú­ast þús­undir millj­arða reiki­stjarna. Og allt það furðu­lega líf sem þar þrífst, maður lif­andi, allt það furðu­lega líf!“