Agnes ráðin af undirsáta

Sú ein­staka staða er komin upp að Agnes M. Sig­urð­ar­dóttur, biskup Íslands, situr í emb­ætti án þess að hafa til þess lög­legt umboð. Talsvert upp­nám er vegna þessa. Það er for­seti Íslands sem skipar bisk­upinn í emb­ætti að til­lögu kirkju­þings. Skip­un­ar­tími Agnesar rann út 1. júlí 2022 en und­ir­maður hennar. Ragn­hildur Ásgeirs­dóttir, fram­kvæmda­stjóri Bisk­ups­stofu,gerði við hana nýjan ráðn­ing­ar­samn­ing til 31 októ­ber 2024 án þess að ræða við kóng eða prest.  Mogginn segir frá þessu og kveðst hafa ráðn­ing­ar­samn­ing undir höndum.  Af þessu leiðir að sögn að biskup situr í emb­ætti án þess að hafa til þess umboð. Drífa Hjart­ar­dóttir, fyrr­ver­andi for­seti kirkju­þings, hafði ekki séð samn­ing­inn en frétti af honum núý­verið.

„Mér finnst það mjög und­ar­legt að und­irmaður geti gert ráðn­ing­ar­samn­ing við yf­ir­mann sinn. Við vor­um aldrei lát­in vita af þessu, hvorki for­sæt­is­nefnd kirkju­þings né kirkju­þingið sjálft,“ seg­ir Drífa við Morg­un­blaðið. Agnes hefur ekki svarað fyrir málið sem getur haft þó áhrif að ákvarð­anir hennar af ýmusm toga séu marklausar og ógildar. Agnes hefur verið umdeild í emb­ætti og þykir gjarnan hafa farið ótroðnar slóðir. Hún bann­aði til dæmis séra Gunnari Björns­syni, presti á eft­ir­launum, að jarð­syngja frá Hvera­gerð­is­kirkju. Þá hefur vakið athygli að hún hrakti séra Skírni Garð­ars­son úr emb­ætti skömmu áður en hann komst á eft­ir­laun.

Agnes hefur um sig nokkra hirð stuðn­ings­manna innan presta­stétt­ar­innar en talið er að meiri­hluti þeirra sem ráða innan Þjóð­kirkj­unnar hafi fengið nóg og vilji að hún hverfi úr emb­ætti. Aðrir benda á að eng­inn biskup hafi inn­leitt eins miklar lýð­ræð­isum­bætur og Agnes …