Gríðarleg illska er innan Sjálfstæðisflokksins vegna fylgishruns flokksins og hvalveiðibanns Svandísar Svavarsdóttur matvælaráðherra sem bakkað er upp af Katrínu Jakobsdóttur forsætisráðherra. Hinn almenni flokksmaður hefur fengið nóg af þessum innanmeinum og ákall er um uppgjör innan ríkisstjórnarnarinnar og flokksins. Þar er horft til þess að Bjarni Benediktsson víki af stóli, saddur pólitískra lífdaga, og rými fyrir nýjum formanni sem hafi mögulega burði til að snúa gæfuhjólinu flokknum í hag.
Vandinn er aftur á móti sá að ráðherrar VG og Sjálfstæðisflokksins, hafa minnstan áhuga á því að slíta samstarfinu og missa öll fríðindin á borð við einkabílstjóra, risnu og há laun. Á móti kemur að þrýstingurinn kemur neðan frá og með haustinu gæti soðið upp úr með þeim sáru afleiðingum að ráðherrar breyttust í almenna þingmenn eða jafnvel dyttu út af þingi. Meðan þessi krísa heldur áfram styrkist Samfylkingin undir formennsku Kristrúnar Frostadóttur sem stefnir ótrauð á sigur og leiðtogasæti í ríkisstjórn …
Athugasemdir