Helga Vala og kaffibaunin: „Sagan er líklega hreint ekkert sönn“

Helga Vala Helga­dóttir, lög­maður og fyrrum þin­kona dásamar kaffi í skemmti­legri færslu á Facebook í dag.

Mánu­dagar leggj­ast mis­vel í mann­skap­inn eins og gefur að skilja, sumir elska dag­inn á meðan aðrir hata hann. En kaffi er eitt­hvað sem mörgum finnst ómissandi á morgn­anna, sér í lagi í byrjun vinnu­vik­unnar, svona til að gefa kroppnum start fyrir anna­saman dag. Þetta veit Helga Vala Helga­dóttir, lög­maður en hún skrif­aði skemmti­lega færslu á Facebook um þennan vin­sæla drykk.

Í færsl­unni talar hún um upp­götvun geita­hirð­ar­ins Kalda, á göldrum kaffi­baun­ar­innar en tekur fram að sagan sé mögu­lega ekki sönn. „En mér er alveg sama því kaffið er dásam­legt,“ bætti hún við í lokin.

Hér má sjá kaffi­færsl­una skemmti­legu:

„Mikið er gott að geita­hirðirinn Kaldi, eða hver það nú var sem fann snilld­ina, skyldi átta sig á því hvað kaffi er dásam­leg baun. Það var kannski ekki geita­hirðirinn Kaldi sem fann baun­ina, en sagan af ofsa­hressum geitum sem höfðu étið baun­irnar er amk góð. Líka sagan af því þegar Kaldi færði munki upp­finn­ingar sínar sem taldi þetta hina mestu vit­leysu og henti baun­unum í eld­inn, sem leiddi auð­vitað til himnesks ilms um allt klaustrið. Já, sagan er lík­lega hreint ekk­ert sönn, en mér er alveg sama því kaffið er dásam­legt.“