Jón Gnarr grínisti og fyrrverandi borgarstjóri efndi á dögunum til blaðamannafundar í hljóðveri útvarpsstöðvarinnar X-977. Á fundinum fór Jón Gnarr meðal annars yfir þyngdaraukningu sína og orsakir hennar en hann hefur nú brotið þriggja stafa múrinn. Hann ætlar sér að losa sig við 25 kíló fyrir árslok 2023. Vísir greindi fyrst frá.
„7,5 kíló á mánuði, eða slétt tvö kíló á viku! Og ég er fullviss um að ég muni ná því.“
Jón útlistar ýmsa lífstílshætti og heilsufarslegar ástæður sem leitt hafa á einn eða annan hátt til þyngdaraukningarinnar, en Jón hefur verið búsettur um tíma á Spáni:
„Það er ekkert launungarmál að ég gerði þar mjög vel við mig. Bæði í mat og drykk. Ég borðaði stórar kjötmáltíðir, jafnvel tvisvar til þrisvar á dag. Drakk vín og bjór með, og fékk mér svo gjarnan girnilegan eftirrétt eftir, súkkulaði og rjóma og jafnvel nokkra kokteila líka.“
„Þetta líferni leiddi til þess að þegar ég kom aftur til Íslands og steig á vigtina, þá var ég orðin slétt hundrað kíló. Og við það er ekki unað,“ útskýrir Jón því næst.
Nýir strigaskór ollu því að Jón er að berjast við hælsæri, en fram kom að hann hyggst taka á við það með hörkunni og ekki kaupa sérstakan gerviskinns-plástur.
Þrátt fyrir dræma mætingu fjölmiðla rigndi spurningum yfir Jón frá kollega hans Sigurjóni Kjartanssyni.
Hér má horfa á blaðamannafundinn í heild sinni:
Athugasemdir