Ældi næstum á sviðið þegar hún vann: „Ég átti ekki von á þessu“

Guð­björgu Her­manns­dóttur brá rosa­lega við að vinna Ungfrú Ísland 1998

„Þetta byrj­aði nú bara sem húmor hjá mér,“ sagði Guðbjörg Her­manns­dóttir í við­tali við DV árið 2004 þar sem hún rifjar upp að hafa unnið Ungfrú Ísland árið 1998. „Ég hafði verið að gera grín að þessu þegar vin­konur mínar skráðu mig í keppn­ina norður á Akureyri. Ég hafði alvég rosa­lega gaman af því að taka þátt í þessu og fannst mjög gaman að kynn­ast svona mörgum skemmti­legum stelpum. Við erum nú samt í litlu sam­bandi í dag enda búum við hingað og þangað um landið,“ sagði Guðbjörg og bjóst ekki við að sigra keppn­ina. 

„Við vorum búnar að vera að spá í úrslitin og ég átti ekki von á þessu. Ég fór ekki að gráta en mér var svo rosa­lega brugðið að það mun­aði litlu að ég ældi á gólfið,“ en hún bjó á Akureyri á þessum tíma þrátt fyrir að vera ættuð frá Grinda­vík.

 „Það var mikil stemn­ing í salnum. Við vorum tvær sem tókum þátt í keppn­inni frá Grinda­vík og það var mikið af fólki þaðan í klapp­lið­inu. Fjöl­skyldan mín var alveg í skýj­unum yfir þessu en sjálf vissi ég ekki alveg hvemig ég ætti að bregð­ast við. Það komu engin tár en þetta var bara mikið sjokk. Ég var nýbúin að kaupa mér bíl en fékk svo annan til afnota í eitt ár. Ég er mjög róleg að eðl­is­fari og hef ekki verið áber­andi eftir keppn­ina. Hef alltaf litið á mig sem sveita­stelpu.“ 

Hún sá svo sann­ar­lega ekki eftir þátt­töku sinni en lítur fram á veg­inn.

„Ég er heppin með bömin mín tvö, ég á fimm ára stelpu og eins árs­strák, þau eru líf mitt og yndi. Það er var gaman að taka þátt í feg­urð­ar­sam­keppni og ævin­týn­inum sem því fylgja gleymir maður aldrei. Þetta var bara æðis­legur tími, svona tæki­færi kemur bara einu sinni á ævinni og ég hvet stelpur til að taka þátt ef það býðst,“ sagði Guðbjörg að lokum.