Staða Vinstri grænna í málum Palestínu og Ísraels er erfið. Ríkisstjórn formannsins, Katrínar Jakobsdóttur, stendur að hjásetu Íslands varðandi átakin á vettvangi Sameinuðu þjóðanna.
Fram að þessu hafa Vinstri grænir verið einhuga í samstöðu með Palestíumönnum og tilbúnir til að fordæma Ísraelsmenn fyrir kúgun og ofbeldi. Nú hefur orðið á breyting og VG ber ábyrgð á því afstöðuleysi sem birtist.
Katrínu Jakobsdóttur er auðvitað vorkunn. Gíslataka Hamasliða og árásir á blásaklaust fólk hefur kallað fordæmingu heimsins yfir þessa hvað þjáðustu þjóð heimsins sem býr í hnipri við hlið þess máttuga og stríðsglaða ríkis Ísraelsmanna. Eftir hryðjuverkið hefur Ísrael fengið vind í seglin og kemst upp með nánast hvað sem er í skjóli vinaþjóða sinna. Þeir mega drepa handan landamæranna nánast allt sem þeim sýnist og fulltrúar VG kinka góðlátlega kolli.
Katrín hefur smám saman verið að færa flokk sinn inn að miðjunni og er nú komin þétt upp að hlið Framsóknarflokksins. Vinstrið hefur breyst í miðju með hægri slagsíðu. Þar með hafa Samfylking og Sósíalistar Gunnars Smára Egilssonar fulla möguleika á að ná til sín þeim kjósendum sem vita nú að VG er hvorki vinstri né grænt lengur. Samstarfið við Sjálfstæðisflokkinn er að gera út af við flokkinn sem nú mælist við dauðamörk í skoðanakönnunum. Flokkurinn er í uppnámi og Katrín í hreinni krísu …
Athugasemdir