„Það deit í kvöld,“ sagði Grýla þegar blaðamaður Mannlífs tók hana að tali á Laugaveginum á Þorláksmessukvöld og spurði hvert erindið væri. Leppalúði og frú höfðu stillt sér upp til myndatöku með ungum pilti. „Nú ferður sko farið á barinn,“ bætti Leppalúði við og virtist óþreyjufullur. Grýla þoldi illa við samræður og kvaddi með óskir um gleðileg jól.
Litlu ofar á Laugaveginum sást til tveggja jólasveina sem tjáðu blaðamanni að þeir væru á höttunum eftir gjöf handa mömmu þeirra, Grýlu.
„Við eigum eftir að kaupa gjöf handa mömmu,“ svöruðu sveinarnir aðspurðir á hvaða ferðalagi þeir væru. Mynd/ Lára Garðarsdóttir
Angan af ristuðum möndlum og jólatónlist lituðu miðbæinn eins og von er og vísa á þessum síðasta degi fyrir jól.
Jólamarkaðurinn á Hjartatorgi Mynd/Lára Garðarsdóttir
Meðlimir Raddbandsins sungu fyrir gangandi. Mynd/Lára Garðarsdóttir
Fjölmargir tóku hlé og nutu söngs Raddbandsins. Mynd/Lára Garðarsdóttir
Fólk nýtti ýmist tækifærið til að klára jólainnkaupin, hitta góða vini, sitja og sötra á kaffi- eða öldurhúsum og mæna á mannlífið. Mynd/ Lára Garðarsdóttir
Jólalegt par á rölti á Laugavegi á Þorláksmessu. Mynd/ Lára Garðarsdóttir
Húsfylli var í Húsi Máls og menningar en þar sáu tónlistarmenn um að halda stuðinu gangandi. Mynd/Lára Garðarsdóttir
Í Stefánsbúð var nóg að gera. Mynd/ Lára Garðarsdóttir
Afgreiðslufólk og verslunarmenn aðstoðuðu viðskiptavini að velja síðustu jólagjafirnar. Mynd/Lára Garðarsdóttir
Margt um manninn og jólaandinn sveif yfir. Mynd/Lára Garðarsdóttir
Jólasveinarnir æddu um og heilsuðu gestum og gangandi í miðborginni. Mynd/ Lára Garðarsdóttir
Fyrir utan Tíu sopa héldu plötusnúðar uppi fjörinu og gangandi gátu nælt sér í funheitt jólaglögg. Mynd/ Lára Garðarsdóttir
Hluti Laugavegar var lokað fyrir akandi og hafði bíll á vegum borgarinnar verið skreyttur í anda hátíðarinnar. Mynd/ Lára Garðarsdóttir
Athugasemdir