Rögnvaldur gáfaði er hættur í Hvanndalsbræðrum.
Samkvæmt Akureyri.net er einn stofnenda Hvanndalsbræðra, Rögnvaldur Bragi Rögnvaldsson, hættur í hljómsveitinni. Segir hann það þó vera gert í mesta bróðerni við félaga sína og að hljómsveitin muni halda áfram.
„Hljómsveitin er að minnsta kosti ekki hætt, en ársfundur Hvanndalsbræðra sf. mun þó ekki fara fram fyrr en síðar í janúar mánuði og þá verður tekin frekari ákvörðun um framhaldið með tilliti til lagaútgáfu og tónleikhalds,“ segir Sumarliði Helgason við Akureyri.net en þeir Rögnvaldur stofnuðu hljómsveitina ásamt Vali Frey Halldórssyni árið 2002.
Í færslu á Facebook á dögunum útskýrði Rögnvaldur ástæðu sína. Sagði hann að hljómsveitarbrölt gefi ekki mönnum það sama og áður fyrr og að ef menn séu ekki í þessu af heilum sé best að hætta, „stokka upp spilin og sjá hvort andinn kemur aftur yfir mann.“
Þrátt fyrir að Rögnvaldur sé hættur, er langt síðan fjölgaði vel í hljómsveitinni en Sumarliði segir í samtali við Akureyri að töluvert sé búið að bóka bandið á þessu ári. „Hún komið fram í hinum ýmsu myndum allt eftir því hvort er um tónleika eða dansleiki er að ræða.“
Athugasemdir