Rændi hótel á Rauðarárstíg og ógnaði stúlku með hníf: „Bað um að fara á salernið“

Maður á fer­tugs­aldri rændi hótel með hníf árið 1993.

„Hann kom hérna inn og bað um að fara á sal­ernið sem stúlkan leyfði honum. Síðan fór hann út og kom inn aftur og otaði hníf að henni og bað hana um opna pen­inga­skúff­una og láta sig hafa alla pen­inga í henni. Stúlkan brást nátt­úru­lega alveg lauk­rétt við, hélt ró sinni og lét hann hafa pen­ing­ana sem voru hérna og hann hljóp út,“ sagði Bjarni Ásgeirs­son, hót­el­stjóri á Hótel Reykja­vík, í sam­tali við DV árið 1993 en mað­ur­inn rændi 300 þús­und krónum.

Stúlkan hringdi í lög­regl­una um leið og mað­ur­inn fór út af hót­el­inu. Lög­reglan var fljót á svæðið en hót­elið var stað­sett á Rauð­ar­ár­stíg. Stúlkan gat gefið góða útlits­lýs­ingu á mann­inum og var leitað að honum í mið­bænum og inn á skemmti­stöðum hans. Stúlkan var ein á hót­el­inu en sam­kvæmt henni var ræn­ing­inn mjög tauga­veikl­aður. Samkvæmt lýs­ingu hennar var hann um það bil 35 ára gam­all, 185-188 cm á hæð, dökk­hærður og með alskegg. Klæddist hann bláum galla­buxum og rauðri og hvítri íþrótta­treyju.