Mannlífi barst ábending um að hópur mótmælenda hafi nú blokkað tvær útgönguleiðir lögreglubíla við lögreglustöðina við Hlemm. Á stöðinni er talið að palestínsk fjölskylda sé innandyra, hjón og fullorðinn sonur þeirra sem lögregla hyggst senda úr landi. Þau eiga ættingja hér á landi en ekki rétt á fjölskyldusameiningu.
Í frétt á Vísi segir að fjöldi vopnaðra sérsveitarmanna hafi ráðist inn á heimili Palestínumanna sem synjað hafi verið um alþjóðlega vernd. Á heimilinu voru hjón og 23 ára sonur þeirra. Fjölskyldan var handtekin og verður send úr landi.
Samtökin No Borders skipulögðu mótmælin með stuttum fyrirvara. Ásetningur mótmælanna er að forða fólkinu frá að vera sent úr landi. Fleiri hundruð manns eru viðstödd mótmælin.
Lögreglan hefur staðfest við fréttastofu Vísi að þrír hafi verið handteknir vegna málsins, svo vísa megi þeim úr landi:
„Þau hafa ekki sinnt tilkynningarskyldu til lögreglu né viljað yfirgefa landið sjálfviljug og verður þeim fylgt úr landi á morgun af Stoðdeild ríkislögreglustjóra,“ segir í svari lögreglu við fyrirspurn fréttamanns Vísis um málið.
Mótmæli
Boðað til skyndimótmæla við utanríkisráðuneytið vegna árása á Íran
Leikstjóri verðlaunakvikmyndar neitaði að taka við friðarverðlaunum
Fréttamaðurinn Don Lemon handtekinn vegna mótmæla gegn ICE
Rithöfundar og fræðimenn þrýsta á bresk yfirvöld vegna hungurverkfallsfanga
Ungur mótmælandi í Íran verður tekinn af lífi
Athugasemdir