„Það þyrfti að kýla Harrison Ford á kjaftinn nokkrum sinnum til að hann líktist mér almennilega“

Húmorist­inn Brynjar Níelsson seg­ist hafa tekið eftir því „að góð­vinur minn, Sig­mundur Davíð, er að skemmta sér vel á minn kostnað þessa dag­ana. Eftir að hann setti fram áskorun á fés­bók­innni, með mynd að Harrison Ford, um að ég yrði þulur í Júró­visjón, hefur ekki verið stund­legur friður.“Brynjar var afar ánægður með mynd­ina sem fylgdi áskorun hans á fés­bók­inni. „Hef nefni­lega oft lent í því í útlöndum að mið­aldra konur kikni í hnjánum og ungar konur skræki þegar þær hitta mig á förnum vegi og biðja mig um eig­in­hand­ar­á­ritun og selfí. Soffía hefur sagt að það sé ekk­ert líkt með mér og Harrison Ford nema harð­líf­is­svip­ur­inn, sem er að vísu nokkuð áber­andi hjá okkur báðum.“Hann bætir því við að „það þyrfti að kýla Harrison Ford á kjaft­inn og nef­brjóta hann nokkrum sinnum til að hann líkt­ist mér almenni­lega.“Brynjar telur samt ólík­legt að RÚV ráði hann til starfa:„En það eru nokkur vand­kvæði við þessa áskorun. Þeir á RÚV myndu aldrei ráða mann í svona djobb sem er ekki woke og er öfga hægri­maður að auki. Þá hef ég ekki horft á Júró­visjon síðan Dana Rosemary vann keppn­ina 1970 með lag­inu „All kinds of Everyt­hing“ og því frekar illa að mér um keppn­ina. Svo gæti ég aldrei orðið eins hress og skemmti­legur og Gísli Marteinn og Felix. Ég yrði álíka glað­legur þulur og föndur kenn­ar­inn í Spaug­stof­unni.“