Cher vill frekar deita yngri menn: „Karlar á mínum aldri eru allir dánir“

Cher lítur ekki á karl­menn á hennar aldri sem raun­hæfa maka í róm­an­tískum skiln­ingi – vegna þess að hún sér þá yfir höfuð aldrei.

Söngdívan, sem er 77 ára gömul, var nýverið í við­tali hjá söng­kon­unni í þætt­inum The Jennifer Hudson Show. Þar útskýrði Moonstruck stjarnan hvers vegna hún hefur til­hneig­ingu til að leita að róm­an­tískum maka sem eru yngri en hún. „Ástæðan fyrir því að ég fór að hitta unga menn er sú að karlar á mínum aldri eða eldri – jæja, nú eru þeir allir dánir,“ sagði hún. „Áður fyrr voru [karlar á mínum aldri] bara aldrei, þeir voru alltaf dauð­hræddir við að nálg­ast mig og yngri menn voru þeir einu sem -“

„Þeir eru djarfir,“ greip Jennifer fram í.

„Já, aldir upp af konum eins og mér,“ svar­aði Cher.

Hin 77 ára gamla söng­kona hafði áður skotið niður gagn­rýnendur vegna sam­bands síns við hinn 38 ára gamla Def Jam fram­kvæmda­stjóra, Alex­ander „AE“ Edwards. „Hafið þið ekk­ert annað við tíma ykkar að gera?“ skrif­aði Cher á Twitter árið 2022 eftir að not­endur hneiksl­uð­ust á ást­ar­lífi hennar. „Leyfið mér að útskýra … MÉR ER DRULLUSAMA HVAÐ ÖLLUM FINNST.

Umræðan um að deita yngri menn kom eftir að Hudson spurði Cher út í fréttir um að hún hafi einu sinni hafnað Elvis Presley. „Það var vegna þess að ég var bara, ég var kvíðin og ég þekkti fólkið í kringum hann,“ sagði hún og virð­ist stað­festa sög­una. „Og það var ekki það að þetta væri slæmt fólk, það er bara það að ég var hálf kvíðin vegna orð­spors hans. Ég er mjög feimin þegar ég er ekki að vinna og frekar feimin í kringum karl­menn.“

Cher sagði einnig að hún hafi verið kvíðin fyrir að leika í kvik­mynd með Meryl Streep. „Ég fór að gera mynd með henni og ég var að pakka tösk­unni minni og svo byrj­aði ég að taka upp úr henni aftur og systir mín hélt áfram að pakka niður í hana. Ég sagði: „Ég get ekki farið að búa til kvik­mynd með Meryl Streep, ok?“, rifj­aði hún upp að hafa sagt áður en hún tók upp Silkwood frá 1983. „Og svo kem ég til Texas, og kona kemur til mín með hvítt, hvítt hár og hvítan kjól, hún leggur hand­legg­ina utan um mig og hún segir „Ég er svo fegin að þú ert hér.“ Það var hún. Og það var eins og, upp frá því var eins og við værum síam­st­ví­burar. Við höfum verið vinir allan þennan tíma.“

Hér má sjá þátt­inn: