Engum dylst að lifandi dauð ríkisstjórn Íslands mjakast í átt til heljar. Hver höndin er uppi á móti annarri og ást hinna ólíku afla er orðin að óþoli. Stærsta gjáin hefur verið milli Sjálfstæðisflokksins og Vinstri grænna sem deila nú um flest.
Nýtt úspil Guðmundar Inga Guðbrandssonar, formanns VG um að andmæla vindmyllugörðum þykir vera dæmi um uppreisn gegn Sjálfstæðisflokknum. Bjarni Benediktsson, forsætisráðherra í boði VG, er eindreginn stuðningsmaður þess að koma upp vindmyllum. Guðmundur Ingi tjáði sig um málið í sjónvarpsfréttum í gær sem þykir vera vísbending um að hann sé að manna sig upp í að sprengja samstarfið.
Athygli vekur að Sjálfstæðismenn hafa hver um annan þveran hjólað í Ásmund Einar Daðason, ráðherra barnamála og menntunar, vegna þeirrar óstjórnar sem þykir ríkja í málum grunnskólans. Rósa Guðbjartsdóttir, bæjarstjóri í Hafnarfirði, kvartaði undan því að ráðherrann og hans fólk hefði þröngvað sveitarfélögum til þess að gefa skólabörnum frítt að borða. Þá kenna Sjálfstæðismenn Ásmundi um það reiðileysi sem er varðandi námsmat barna á Íslandi. Mikil reiði er innan Framsóknarflokksins vegna árásanna á erfðaprins flokksins.
Ásmundur Einar dregst svo inn í vindmillumál VG þar sem faðir hans, Daði Einarsson er eigandi jarðar í Dalasýslu sem ætluð er að hluta undir gróðamyllurnar …
Athugasemdir