Jón hjólar í konur

Skemmti­kraft­ur­inn og leik­ar­inn Jón Gnarr ætlar sér stóra hluti hjá Viðreisn fyrir kom­andi kosn­ingar. Hann vill verða leið­togi í öðru Reykja­vík­ur­kjör­dæmanna. Vandinn er á að þar eru fyrir fleti þær Hanna Katrín Frið­riks­son og Þorbjörg Sigríður Gunn­laugs­dóttir sem hvorug hyggst rýma topp­inn fyrir karl­inum.

Jón var kok­hraustur í við­tali við Moggann þar sem hann sagð­ist reikna með að sigra kon­urnar auð­veld­lega. Þessi yfir­lýs­ing fór illa í Hönnu Katrínu sem fagn­aði nýju fólki í Viðreisn en snupraði nýlið­ann. „Jón er ekki fyrsti karl­inn sem ger­ir ráð fyr­ir rauða dregl­in­um þegar hann mæt­ir á svæðið,“ sagði Hanna Katrín við mbl.is og skaut svo á Jón með því að segj­ast fagna nýju fólki „svo lengi sem það er ein­hver þungi í því sem fólk hef­ur fram að færa í þessu verk­efni okk­ar að vinna fyr­ir al­manna­hags­mun­um“.

Augljóst er að það verður á bratt­ann að sækja fyrir Jón að kom­ast í leið­toga­sæti og blóðug átök eru í far­vatn­inu …