Innsta þrá Sigmundar

Sára­litlar líkur eru á því að Sjálf­stæð­is­flokknum tak­ist að kom­ast í stjórn og halda þannig póli­tísku lífi í Bjarna Bene­dikts­syni for­manni. Sú staða er ömur­leg fyrir flokk­inn sem kann engan veg­inn að fóta sig í stjórn­ar­and­stöðu eins og sést á ástandi borg­ar­stjórn­ar­flokks­ins þar sem Hildur Björns­dóttir fer fyrir sund­ur­leitri hjörð og bíður þess eins að verða kosin í burtu, rétt eins og for­mað­ur­inn sem er í póli­tískri önd­un­ar­vél.

Líkur eru á því að ný rík­is­stjórn Flokks fólks­ins, Sam­fylk­ingar og Við­reisnar fæð­ist fyrir jól. Ein­hverjir hnökrar í við­ræð­unum hafa vakið vonir hjá Sigmundi Davíð Gunn­laugs­syni, for­manni Mið­flokks­ins, um að glufa mynd­ist fyrir hann til að kom­ast inn í sam­starfið. Hann mun vera meira en til­bú­inn til að semja um hvað­eina. Hermt er að hans innsta þrá sé að kom­ast aftur á valda­stól og fá þannig upp­reist eftir Wintris-málið. Enn er von.

Vandinn kann að vera sá að honum sé illa treystandi eins og Björn Leví Gunn­ars­son, fyrr­ver­andi þing­maður Pírata, hélt fram á Sam­stöð­inni. Þar full­yrt hann að Sig­mundur Davíð væri ekki stjórn­tækur þar sem ekk­ert væri að marka orð hans. Þung orð þar …