Lilja mærir Magga Eiríks í hástert: „Ég fyllist enn á ný lotningu“

Lilja Dögg Alfreðs­dóttir mærir tón­list­ar­goð­sögn­ina Magnús Eiríks­son í nýrri færslu en hún afhenti honum Þakk­ar­orðu íslenskrar tón­listar í byrjun des­em­ber.

Rík­is­út­varpið sýndi í gær frá athöfn sem fram fór í Hörpu 1. des­em­ber síð­ast­lið­inn en þar var Magnúsi Eiríks­syni veitt Þakk­ar­orða íslenskrar tón­listar. Lilja Dögg Alfreðs­dóttir, fyrr­ver­andi ráð­herra afhenti Magnúsi orð­una en hún skrif­aði síðan færslu í gær þar sem hún mærði tón­list­ar­mann­inn í hástert.

„Takk Maggi og takk íslensk tón­list!

Sann­ar­lega ein­stakt kvöld með tón­list­ar­mann­inum Magnúsi Eiríks­syni en hann hlaut Þakk­ar­orðu íslenskrar tón­listar, sem var veitt í fyrsta sinn í ár. Tón­leik­arnir voru sýndir í kvöld á RÚV en Þakk­ar­orðan veitt 1. des­em­ber sl. Magnús er ein­stak­lega vel að þessum heiðri kom­inn!“ Þannig hefst færsla Lilju Daggar en hún segir Magga (eins og Magnús Eiríks­son er oft­ast kall­aður) ekki aðeins færan tón­list­ar­mann heldur hafi hann veitt fjöl­mörgum inn­blástur í gegnum tíð­ina.

„Maggi Eiríks, eins og þjóðin þekkir hann, er ekki bara iðinn og fær tón­list­ar­maður heldur hefur fjöl­breytni hans gefið íslensku þjóð­inni marga dýr­gripi og fyllt fjöld­ann allan af lista­fólki inn­blæstri. Laga- og texta­smiðnum, gít­ar­leik­ar­anum og söngv­ar­anum Magga Eiríks eru færðar þakkir frá okkur öllum og um leið vil ég þakka öllu því stór­brotna tón­list­ar­fólki sem flutti lög Magnúsar.“

Í færsl­unni segir Lilja Dögg einnig frá því hvernig Þakk­ar­orðan kom til en þá bjó Lilja með eig­in­manni sínum í Washington DC.

„Sagan á bak við þennan við­burð á rætur sínar að rekja til Washington DC ára okkar Magnúsar en þá horfðum við alltaf á ,,Kennedy Center Honors”. Ár hvert eru þar­lendir lista­menn heiðraðir. Við sökn­uðum þess að ekki væri gert svona vel við okkar lista­fólk. Það tókst að gera þetta að veru­leika en þar á for­maður Tón­lista­ráðs, Jakob Frímann Magn­ús­son, mik­inn heiður skilið ásamt fram­kvæmda­stjóra Tón­list­ar­mið­stöðv­ar­innar, Maríu Rut Reyn­is­dóttur. Tón­list­ar­fólkið sem stóð á svið­inu í kvöld er auð­vitað magnað. Takk, takk! Einnig vil ég hrósa RÚV og Viktoríu Her­manns­dóttur fyrir að koma þessu svona vel til skila. Svo er Þakk­ar­orðan svo fal­lega gerð af Erlingi Jóhann­essyni!“

Að lokum skrifar Lilja:

„Ég fyllist enn á ný lotn­ingu yfir þeim fjár­sjóði sem lista­fólkið okkar er!“