Lagið Heim til vina slær í gegn: „Er að vona að ég verði svona one hit wonder“

Reinhold Richter gaf út lagið Heim til vina á dög­unum en það samdi hann til heið­urs vinar síns, Ísaks Harð­ar­sonar ljóð­skálds, sem lést árið 2023. Segist hann í sam­tali við Mannlíf vona að lagið verði „one hit wonder“ eða einsmell­ungur eins og það kall­ast á íslensku.

Aðspurður um við­brögðin við lag­inu segir Reinhold þau hafa verið frá­bær:
„Ég fæ alveg rosa­lega góð við­brögð, maður er bara hissa. Ég er búinn að fá svo flott comment í einka­skila­boðum frá fólki sem er mér kunn­ugt en ekki tengt þannig. Maður verður bara klökkur.“

Reinhold og Gunnar Baldur dótt­ur­sonur hans.

Mynd: Pétur Fjeld­sted Ein­ars­son

Reinhold seg­ist hafa verið að kynna lagið sem ein­hvers­konar minn­ing­ar­lag en það fjalli jafn mikið um vin­átt­una og von­ina:

„Ég hef verið að kynna lagið sem svona minn­ing­ar­lag en þetta var til­búið í nóv­em­ber en þá setti ég það ofan í skúffu. Svo hef ég verið að hlusta á það núna og finnst þetta meira svona lag um vin­áttu, von og fram­tíð­ina. Og ekki veitir af á þessum tímum þar sem allt er ein­hvern­veg­inn svart.“

Reinhold Richter

Mynd: Pétur Fjeld­sted Ein­ars­son

Lagið samdi Reinhold til heið­urs ljóð­skálds­ins Ísaks Harð­ar­sonar sem lést árið 2023 en þeir voru góðir vinir.

„Við vorum mjög góðir vinir. Ég samdi þetta lag uppi í sum­ar­bú­stað. Við áttum góðar stundir þar en hann vildi nú yfir­leitt ekki gista en kom við og við vorum að fara í svona bílt­úra saman. Og þegar hann dó gerði ég mér grein fyrir því hversu mikið ég hafði misst og fór í sjálfs­vorkun og þannig kvikn­aði þetta. Og svo vildi ég bara heiðra minn­ingu hans,“ sagði Reinhold og bætti við hlæj­andi: „Ég var svo rugl­aður fyrst að ég ætl­aði að semja ljóð en sá svo að það stóðst nátt­úru­lega engan sam­an­burð við það sem hann [Ísak] var að skrifa.“ Þannig að úr varð lagið sem nú hefur verið gefið út.

„One hit wonder“

En er Reinhold reynslu­mik­ill tón­list­ar­maður?

„Nei, bara ekki sko. Ég hef bara gutlað einn á gítar og aldrei sungið eða spilað með öðrum. Og ég hef pikkað gripin upp sjálfur og ég næ alveg að setja saman hljóma og hef búið til fullt af litlum lögum. En ég er ekki mik­ill tón­list­ar­maður sem slíkur.“

Aðspurður hvort hann ætli sér að gefa út fleiri lög svarar Reinhold hlæj­andi: „Nei, ég er að vona að ég verði svona one hit wonder!“

Reinhold segir að það hafi tekið hann um tvö ár að semja lagið. „Ísak deyr í maí 2023 og þetta hefur senni­lega verið í júlí, sem ég byrj­aði. Og svo leiddi eitt af öðru og ég keypti svona uta­n­áliggj­andi hljóð­kort til að geta spilað inn á tölv­una og fékk með því for­rit til að taka upp og fór að leika mér. Ég er búinn að læra meira á tón­list á sein­ustu tveimur árum en á allri ævinni. Það er gaman að þessu, svona á gam­als­aldri.“

Hér má sjá mynd­band við lag Rein­holds: