Rima Apótek ódýrast, samkvæmt ASÍ

Í nýjum sam­an­burði verð­lags­eft­ir­liti ASÍ kemur fram að Rima Apótek er ódýrasta apó­tekið á land­inu. Til skoð­unar vru aðrar vörur en lyf eða þær vörur sem finna má frammi í versl­un­inni.

Fram kemur í frétta­til­kynn­ingu frá ASÍ að Borgar apó­tek og Lyfja­búrið hafi hafnað þátt­töku í verð­lags­eft­ir­lit­inu, en á grund­velli þeirra ganga sem þar var aflað eru þau annað og þriðja dýrasta apó­tek Íslands.

Þó nokkru getur munað á verði eftir því hvaða vörur eru skoð­aðar að því er fram kemur í frétta­til­kynn­ing­unni. Sem dæmi má nefna að Lyfjaval er að með­al­tali með 15 pró­sent dýr­ara en ódýr­asti kost­ur­inn, en Better You-fæðu­bót­ar­efni kosta að með­al­tali 35 pró­sent meira í Lyfjaval en þar sem þau eru ódýr­ust, sem er iðu­lega í Rima Apóteki. Hins vegar voru New Nordic-vörur að jafn­aði ódýrastar í Lyfja­vali. 

Borgar sig oft að bera saman verð

Ýmsar vörur sem seldar eru í apó­tekum má einnig finna í lág­vöru­verðs­versl­unum. Svo dæmi séu tekin: 

• Nivea augn­hreinsir (x-gentle, 125ml) kost­aði 2.281kr í Borgar apó­teki en 479kr í Bónus, næstum fimm­faldur munur. Varan kost­aði einni krónu meira í Krónunni en Bónus. 
• By My Beard skeggsjampó kost­aði 1.990kr í Íslands­Apó­teki en 349kr í Nettó, næstum sexfaldur munur. 
• Gillette Cool Wave svita­lykt­areyðir kost­aði tæpar 1.400kr í flestum apó­tekum, en aðeins 598kr í Bónus og 599kr í Krónunni. 
• Carefree flexi inn­legg kost­uðu 286kr í Bónus, 287kr í Krónunni, 288kr í Nettó og 585kr í Farmasíu.

Í ein­hverjum til­fellum geta apó­tek verið ódýr­ari en lág­vöru­verðs­versl­anir, þó að mun­ur­inn í þá átt sé oft­ast minni. Hér eru nokkur dæmi: 

• Haf­kalktöflur, 60stk, kost­uðu 2.790kr í Krónunni (og kosta enn) en voru (og eru) ódýr­ari í öllum apó­tekum sem skoðuð voru, fyrir utan Lyfjaval. Ódýrastar voru töfl­urnar í Lyfja­veri á 2.180kr en dýrastar í Lyfja­vali á 2.855kr. 
• Solaray Once Daily Active Man fjölvítamín kost­aði 3.061kr í Lyfja­veri og hefur verið á því verði síðan í haust, ef ekki lengur. Á megni könn­un­ar­tíma­bils­ins kost­aði vítamín­stauk­ur­inn 3.599kr í Krónunni, eða tæpum 18 pór­sentum meira, og hefur síðan hækkað í 3.799kr, sem er 24 pró­sentum dýr­ara en í Lyfja­veri. 
• Veet Sensitive háreyð­ing­ar­krem með aloe vera kost­aði 2.339kr í Nettó en aðeins 1.560kr í Apóteki Vest­ur­lands í Ólafsvík. 
• Better You 5mg járn­munn­úði kostar 2.021kr í Rima Apóteki en 2.399kr í Krónunni. Flestir aðrir BetterYou munn­úðar eru hins vegar ódýr­ari í Krónunni. 

Aug­lýs­ingar apó­teka gjarnan vill­andi 

Oft hvetja íslenskar versl­anir til kaupa með afsláttum. Ein­hverjar reglur gilda um þá afslætti, til dæmis segir á vef Neyt­enda­stofu að útsala megi „ekki standa lengur en í sex vikur því þá er útsölu­verðið orðið að venju­legu verði“. 

Samkvæmt ASÍ fæst ekki betur séð en að í ein­hverjum til­fellum en að lengri tími hafi liðið frá verð­lækkun í ein­hverjum apó­tekum. Til dæmis: 

• New Nordic Apple Cider hlaup í vef­verslun Lyfja­vals var selt á 2.621kr til 3. febr­úar. Svo var það selt á „-20%“, eða 2.097kr, til 4. apríl, eða á hálfa níundu viku. Samhliða því var bætt við „Nýtt“ merk­ingu á vör­una sem er þar enn. 
• Siglu­fjarð­ar­apó­tek hefur haft CeraVe Renewing fótakrem á 20% afslætti frá því í jan­úar síð­ast­liðnum hið minnsta, en þá hóf verð­lags­eft­ir­litið skoðun á vef­verslun apó­teks­ins. 
• Rima Apótek hefur selt Nutri­lenk Active, 30 hylki, og Nutri­Lenk Gel, 100ml, á 25% afslætti frá því í jan­úar síð­ast­liðnum hið minnsta, en þá hóf verð­lags­eft­ir­litið skoðun á vef­verslun apó­teks­ins. 

Dæmin eru fleiri.  

Verðlag í Apóteki Vest­ur­lands ekki alltaf sam­stíga 

Verðlag á Apóteki Vest­ur­lands virð­ist ekki hafa verið alfarið hið sama í úti­bú­unum þremur í Borg­ar­nesi, Akranesi og Ólafsvík, að því er fram kemur í frétttil­kynn­ingu ASÍ. Til að mynda var Better You D-Lúx 1000iu 15ml munn­sprey selt á 1.493kr í Borg­ar­nesi þann 13. mars en á 2.045kr í Ólafsvík. Better You Mag­nes­ium Relax flögur kost­uðu 2.413kr í Ólafsvík en 1.530kr í Borg­ar­nesi. Í aðra rönd­ina kost­aði Eylíf Smoother Skin & Hair 3.419kr í Ólafsvík en 4.850kr í Borg­ar­nesi. Haf­kraftur kost­aði 2.650kr í Ólafsvík en 3.543kr í Borg­ar­nesi. 

Af 148 vörum sem bornar voru saman í Borg­ar­nesi og Ólafsvík þann 13. mars voru 76 dýr­ari í Borg­ar­nesi, 33 dýr­ari í Ólafsvík, og 39 á sama verði. Að með­al­tali var versl­unin í Borg­ar­nesi 1,2 pró­sentum dýr­ari en í Ólafsvík. 

Hvaða aðferða­fræði not­ast ASÍ við? 

Bornar voru saman vörur sem finna mátti í minnst níu apó­tekum. Aðeins var farið í apó­tek sem eru án aðgangs­gjalds. Sam­an­burð­ur­inn fór fram frá miðjum febr­úar til miðs mars.