Furðar sig á verðmun á íslensku og erlendu sinnepi

Meðlimur í Facebook-hópnum Vertu á varð­bergi - Eftirlit með verð­lagi, furð­aði sig á miklum verð­mun á sinn­epi á Íslandi, í nýrri færslu í hópnum.

Guðmunda nokkur birti ljós­mynd af sinn­eps­hillu í mat­vöru­verslun á Íslandi. Þar sést mik­ill munur á verði á sinn­epi, eftir því hvaðan þau eru. Íslensku sinn­epin eru mun dýr­ari en þau erlendu.

„Getur ein­hver í þessum hópi útskýrt af hverju íslenskt sinnep er miklu dýr­ara en erlent?“ skrifar Guðmunda við ljós­mynd­ina.

Og ekki stendur á svörum en hér má lesa nokkur þeirra:

Bjarni nokkur skellir skuld­inni á græðgi: „Íslenskt er alltaf dýr­ara, þess vegna er heppi­legra að versla erlendar vörur þangað til íslenska græðgin gefur eftir.“

Stefán nokkur bendir á annað dæmi um það sem er dýr­ara ef það er íslenskt: „Því miður er allt íslenskt alltaf miklu dýr­ara, sjá t.d. klak­ana frá nor­egi sem kosta minna en íslenskir klakar.“

Meðlimur hóps­ins, Þorlákur að nafni bendir á eitt sem margir eru sam­mála honum, að íslenska sinn­epið sé í raun ekki alvöru sinnep. „Það er móðgun við alvöru sinnep að kalla þessa hveit­isósu sinnep.“