Heiðrún Lind svarar Jóni Gnarr fullum hálsi

Heiðrún Lind Mart­eins­dóttir, fram­kvæmd­ar­stjóri SFS svarar Jóni Gnarr fullum hálsi í athuga­semd við Facebook-færslu þing­manns­ins.

Jón Gnarr, þing­maður Við­reisnar skrif­aði Facebook-færslu í dag þar sem hann bendir á að Vísir birti ýtar­legt við­tal við fram­kvæmd­ar­stjóra SFS og að hún eigi einmitt sæti í stjórn Sýnar sem á Vísi.

„Fyrsta frétt á Vísi. Ýtarlegt við­tal við Heiðrúnu Lind Mart­eins­dóttur fram­kvæmda­stjóri Samtaka fyr­ir­tækja í sjáv­ar­út­vegi SFS um veiði­gjöld.

Heiðrún situr í stjórn Sýnar sem er fyr­ir­tækið sem á og rekur Vísi.“

Ekki leið á löngu þar til Heiðrún Lind svarar Jóni fullum fetum í athuga­semd en henni var alls ekki skemmt. Spyr hún Jón hver punktur hans sé og spyr hvar SFS eigi að fá að koma sínum athuga­semdum á fram­færi ef ekki í við­tölum og með aug­lýs­ingum, sem Jón gagn­rýndi á dög­unum.

„Hver er nákvæm­lega punkt­ur­inn þinn? Er það sumsé ekki vel séð hjá þér að tekið sé við mig við­tal vegna fyr­ir­hug­aðra breyt­inga á veiði­gjaldi því ég sit í stjórn Sýnar í umboði hlut­hafa þess félags? Skemmst er síðan að minn­ast þess að þú virt­ist líka sofa illa yfir aug­lýs­ingum SFS. Það væri áhuga­vert að heyra hvernig þér þykir þókn­an­legt að við fáum að koma athuga­semdum heillar atvinnu­greinar á fram­færi, ef við­töl í til­greindum miðlum og aug­lýs­ingar með til­greindum leik­urum eru illa séð. Skeyta­þjón­usta Póstsins? Nei að öllu gamni slepptu, viltu ekki frekar ræða efni máls­ins, fyr­ir­vara­lausa tvö­földun veiði­gjalds?“

Að lokum spyr Heiðrún spurn­inga sem hún vill fá svör við, um norsku leið­ina sem hún segir rík­is­stjórn­ina ætla að fara.

„Hefurðu svör við því hvers vegna okkur tekst ekki að selja mak­ríl í neinum mæli til Asíu, eins og Norðmenn? Hefurðu svör við því hvers vegna Norðmenn flytja þorsk og ýsu að miklu leyti óunnið úr landi til lág­launa­landa eins og Póllands? Það væri gott að heyra meira um þetta, úr því þið eruð að fara þessa norsku leið.“

Jón hefur ekki enn svarað en það gerði hins vegar Brynjar nokkur með föstu skoti: „Úff það átak­an­legt að lesa þetta. Mér sýn­ist að gröfin sé orðin djúp og þér sé óhætt að hætta að moka.“