Anna tekur fulla ábyrgð á sumarblíðunni á Íslandi

Anna Krist­jáns­dóttir telur sig ábyrga fyrir sumr­inu á Íslandi síð­ustu árin.

Vél­stjór­inn fyndni, Anna Krist­jáns­dóttir skrifar um veðrið í nýj­ustu dag­bók­ar­færslu sinni á Facebook, eins og svo oft áður, en hún býr eins og alþjóð veit á Tenerife.

Vinur Önnu sendi henni skjá­skot af veð­ur­spánni fyrir helg­ina en hit­inn á að vera hærri á Íslandi en á Tenerife. En Anna er búin að upp­götva hvað málið er, því hún sér teng­inu á milli slæms sum­ars á Íslandi og heim­sóknar hennar til lands­ins á sama tíma.

„Ég kom ekk­ert til Íslands árið 2022 og mér skilst að þá hafi verið gott sumar á Íslandi. Ég kom svo aftur til Íslands í maí 2023 og stopp­aði í þrjár vikur og það var blautt og kalt allan tím­ann, en sum­arið kom samt eftir að ég var farin. Árið 2024 stopp­aði ég í fimm vikur í maí og júní og það var nóg til að eyði­leggja allt sum­arið fyrir Íslend­ingum. Ég er ekk­ert á leið­inni til Íslands sum­arið 2025 og viti menn. Það er sól og sumar alla daga á meðan mikið hæð­ar­svæði í haf­inu ýtir kuld­anum suður með Evr­ópu­ströndum og alla leið­ina til Tenerife og hér skjálfum við úr kulda kvöld eftir kvöld og þráum ekk­ert meira en að kom­ast í sumar og sól austur á landi.“

Anna segir les­endur hljóta nú hafa kveikt á per­unni, að þetta sé allt henni að kenna. Segir hún enn­fremur að Íslend­ingar ættu að borga henni sér­stak­lega fyrir að koma ekki til Íslands á sumrin.

„Þið hljótið nú að hafa áttað ykkur á stöðu mála. Þetta er allt mér að kenna og að ég er kulda­boli og að Íslend­ingar ættu að greiða mér sér­stak­lega fyrir að halda mér sem lengst í burtu frá Íslandi og þið munuð upp­skera og fáið sól og sumar allt árið um kring.

Ég sendi ykkur svo upp­lýs­ingar um banka­númer og kenni­tölu þegar þið hafið fall­ist á að greiða mér hæfi­lega upp­hæð fyrir að halda mér fjarri.“