Breski faðirinn Nathan Osman fannst látinn neðst í 180 metra djúpri klettasprungu í Benidorm á Spáni á sinni fyrstu „strákaferð“ með vinum sínum í fyrra. Spænska lögreglan telur nú mögulegt að hann hafi verið myrtur.
Upphaflega töldu lögreglumenn að hinn 30 ára gamli fjögurra barna faðir hefði annað hvort orðið fyrir slysi eða tekið eigið líf. En aðstandendur hans mótmæltu því harðlega og bentu á að Nathan hafi sjaldan drukkið áfengi, aldrei neytt vímuefna og notið lífsins. Þeir hófu eigið rannsóknarstarf og söfnuðu sönnunargögnum sem bentu til þess að um glæp gæti hafa verið að ræða, og tókst að fá spænsk yfirvöld til að endurmeta dánarorsökina sem mögulegt morð.
Nathan, sem var frá Pontypridd í Suður-Wales, hafði kvöldið áður en hann fór til Benidorm sagt bróður sínum að hann væri spenntur fyrir komandi fríi.
Á öllum upptökum úr öryggismyndavélum, sem fjölskylda hans náði í, virtist hann rólegur og yfirvegaður. Lík hans fannst í um 50 mínútna gang frá þeim stað þar sem hann sást síðast, og samkvæmt fjölskyldu hans var nær ómögulegt að komast á þann stað í myrkri, sem bendir til þess að einhver hafi komið honum þangað.
Þeir fundu einnig að reynt hafði verið að nota bankakort Nathans í verslun skömmu eftir andlát hans, í stuttri akstursfjarlægð frá vettvangi. Þegar líkið fannst voru öll verðmæti hans horfin, nema skemmdur farsími.
Eftir að fjölskyldan kynnti spænskum yfirvöldum gögnin, eru þau nú sammála um að líklegt sé að Nathan hafi verið myrtur.
Fréttamiðillinn The Olive Press greinir frá því að: „Dómari og saksóknari hafi samþykkt að opna málið að nýju og rannsaka dauða Nathans sem mögulegt manndráp, þar sem atriði sem bent var á gefa til kynna glæpsamlegt athæfi.“
Nathan lét eftir sig eina dóttur og þrjá syni. Á netfjáröflunarsíðu sem var stofnuð í september til að flytja lík hans heim, sagði meðal annars: „Við erum harmi slegin eftir að heyra þessi hörmulegu tíðindi.“ Þar segir einnig: „Nathan var brosið sem lýsti upp herbergið, og hverjum sem kynntist honum sagði hann að börnin fjögur væru allt hans líf. Hann var dyggur faðir sem vildi veita börnum sínum það besta í lífinu.“
Í október síðastliðnum minnntist fjölskylda hans hans með þessum orðum:
„Nathan var sá allra tryggasti, gallalaus sonur, umhyggjusamur bróðir, fjörugur frændi og sannur vinur allra þeirra sem fengu að kynnast honum. Brosið hans og stóru brúnu augu hans voru smitandi. Hann var ein af góðhjörtuðustu sálum sem til eru og minning hans lifir áfram í gegnum fjögur yndisleg börn hans.“
„Nathan elskaði að eyða morgnunum á ströndinni með börnunum og maka sínum. Þau elskuðu að fara í gönguferðir, skoða náttúruna og búa til fallegar minningar. Nathan var algerlega helgaður fjölskyldu sinni, og ef fjölskyldan hans var glöð, var hann það líka.“
Athugasemdir