Bylgja vill fá sannleikann frá Landlæknisembættinu

Uppi­stand­ar­inn Bylgja Babýlons er afar ósátt við vinnu­brögð heil­brigð­is­kerf­is­ins eftir að hún greind­ist með leg­hálskrabba­mein árið 2021. Sýni hafði verið tekið úr Bylgju árið 2018 og var nið­ur­staðan sú að hún væri ekki með krabba­mein. Hún telur mögu­legt að hún hafi fengið ranga grein­ingu.

Bylgja opnar sig um bar­áttu sína í ítar­legu við­tali við Heim­ild­ina.

Stuttu áður en krabba­meins­með­ferð hennar hófst árið 2021 ákvað Bylgja að ráða lög­fræð­ing til að skoða sín mál. „Ég byrj­aði á að kynna mér hvernig væri hægt að fá land­lækn­is­emb­ættið til að kíkja á þetta og þá heyri ég úr öllum áttum að ég ætti alls ekki að tala við land­lækn­is­emb­ættið nema vera með lög­fræð­ing með mér. Ég fékk þá lög­fræð­ing til að kíkja á þetta. Hún fór yfir málið, sagði að það myndi taka mörg ár að fá nið­ur­stöðu frá land­lækni og oft­ast komi lítið út úr því pen­inga­lega,“ segir Bylgja við Heimld­ina.

„Ég vildi bara vita sann­leik­ann og ef ég var komin með krabba­mein 2018, vildi ég fá við­ur­kenn­ingu á því. Ég vil bara vita hvort það liggi ein­hvers staðar sýni úr mér á Íslandi frá árinu 2018 merkt  „hreint“ þegar það er í raun og veru krabba­mein í því.“