Hélt uppistand á Íslandi fyrir úkraínska herinn

Grínist­inn Vasyl ByDuck frá Úkraínu hélt uppi­stands­sýn­ingu í Reykja­vík í gær­kvöld til styrktar úkra­ínska hernum og seg­ist Vasyl elska Ísland og lítur á það sem annað heim­ili sitt utan.

Er sýn­ingin hluti af uppi­stands­ferða­lagi Vasyl um einar 28 borgir í Evrópu; var sýn­ingin hér á landi sú sautj­ánda er hann hélt, eins og segir á vef­miðl­inum vb.is.

Eins og áður sagði rennur allur ágóði miða­söl­unnar beint til úkra­ínska hers­ins og að sögn skipu­leggj­anda sýn­ing­ar­innar náði Vasyl að safna aðeins meira en hálfri milljón íslenskra króna í gær­kvöld.

Seldist upp á sýn­ing­una; rúm­lega 110 gestir greiddu fimm þús­und krónur í aðgangs­eyri:

„Ég verð bara með þessa einu sýn­ingu í Reykja­vík og fer svo beint úr landi um mið­nætti. Þetta er allt skipu­lagt af mér og konu minni og svo rennur allur ágóð­inn til úkra­ínska hers­ins svo hann geti fjár­magnað kaup á vopnum, skot­heldum vestum og fleira. Við erum þakk­lát fyrir alla aðstoð sem við fáum en því miður þá kemur áhrifa­rík­asta hjálpin í formi vopna.“

Kemur fram að Vasyl hafi áður sótt Ísland heim en kapp­inn hélt uppi­stands­sýn­ingu á Gauknum fyrir sjö árum síðan:

„Ég elska Ísland meira en nokkra aðra þjóð utan Úkraínu, en ég verð líka svo sorg­mæddur þegar ég kem hingað og sé alla þessa fal­legu fossa og firði og ber það svo saman við það sem er að ger­ast í mínu landi. Mágkona mín sagði mér til dæmis frá því í vik­unni að Rússar sprengdu hverfið okkar og að nokkrar eld­flaugar höfðu lent rétt hjá íbúð­inni okkar.“

Eggert Smári Sig­urðs­son skipu­leggj­andi sýn­ing­ar­innar var afar ánægður með við­brögðin og seg­ist sjaldan eða aldrei hafa upp­lifað aðra eins eft­ir­spurn:

„Á ákveðnum tíma­punkti var verið að selja svo mikið af miðum að vef­síðan okkar bara hrundi. Ég veit ekki hvort það var vegna netárása Rússa eða hvað en svo fór síðan aftur í loftið eftir sól­ar­hring. Svo héldu fyr­ir­spurnir áfram að ber­ast eftir að við lok­uðum fyrir miða­sölu frá fólki sem biðl­aði til okkar að selja þeim miða.“

Vasyl er mjög frægur í Úkraínu eftir margra ára feril sem uppi­stand­ari; hefur hann und­an­farin miss­eri ferð­ast til fremstu víg­lín­unnar í stríði Rússa og Úkra­ínu­manna og hefur hann til að mynda haldið sýn­ingar fyrir her­menn í skot­gröfum á Donbass-svæð­inu.

„Ég hef haldið margar sýn­ingar fyrir úkra­ínska her­inn í skot­gröf­unum og meira að segja á meðan stór­kota­liðsárásir óvina heyrð­ust allt um kring. Það voru hins vegar bestu sýn­ingar sem ég hef gert. Það var ekki mikið hlegið en ég fann svo mikið fyrir til­finn­ingum allra í kringum mig. Það er svo frá­bær til­finn­ing að láta fólk, sem er stans­laust í nánd við hræðslu og dauð­ann, hlæja og brosa í smá stund.“