Mótmæla heimsókn Ursulu von der Leyen og aðgerðaleysi stjórnvalda

Félagið Ísland–Palest­ína boðar til mót­mæla á Aust­ur­velli í dag klukkan 14:00 vegna opin­berrar heim­sóknar Ursulu von der Leyen, for­seta fram­kvæmda­stjórnar Evr­ópu­sam­bands­ins, og vegna aðgerð­ar­leysis íslenskra stjórn­valda í garð ástands­ins í Gaza.

Von der Leyen kemur til lands­ins í boði íslenskra stjórn­valda og mun meðal ann­ars funda með for­sætis- og utan­rík­is­ráð­herra auk þess sem fyr­ir­huguð er heim­sókn hennar á Þing­velli. Í til­kynn­ingu félags­ins kemur fram að það telji heim­sókn­ina óvið­un­andi í ljósi þess að Ursula von der Leyen hafi í starfi sínu veitt Ísrael ítrek­aðan stuðn­ing og komið í veg fyrir að Evr­ópu­sam­bandið beiti refsi­að­gerðum gegn Ísrael vegna aðgerða þess í Palest­ínu.

„Íslensk stjórn­völd eiga að kalla eftir því að Ursula verði send til dóm­stóla í Haag en ekki bjóða henni í skoð­un­ar­ferð til Þing­valla!,“ segir meðal ann­ars í til­kynn­ing­unni.

Félagið gagn­rýnir einnig íslensk stjórn­völd harð­lega fyrir að hafa, að þeirra mati, sýnt full­komið aðgerða­leysi gagn­vart því sem þau kalla þjóð­ar­morð Ísraels á Gaza. Mótmælin eru skipu­lögð sam­hliða lokum Alþingis en félagið bendir á að þingið hafi ekki gripið til neinna raun­veru­legra aðgerða í mál­inu.