Birta lista yfir stuðningsmenn Heiðu borgarstjóra

Heiða Björg Hilm­is­dóttir, borg­ar­stjóri Reykja­víkur, hefur gefið það út að hún sæk­ist eftir því að vera áfram odd­viti Sam­fylk­ing­ar­innar í kom­andi borg­ar­stjórn­ar­kosn­ingum.

Til þess að eiga mögu­leika á því þarf hún að vera kosin í flokksvali Sam­fylk­ing­ar­innar en það fer fram 24. jan­úar. Pétur Hafliði Mart­eins­son, fyrr­ver­andi lands­liðs­maður í knatt­spyrnu, hefur einnig gefið kost á sér í efsta sætið.

Ljóst er að hörð átök eru framundan í flokknum en sagt er að Pétur sé fram­bjóð­andi Kristrúnar Frosta­dóttur for­sæt­is­ráð­herra. Kristrún er sögð vilja mikla nýliðun í borg­ar­stjórn­ar­flokk­inn og vill að Heiða víki.

Í Heim­ild­inni í dag birt­ist aug­lýs­ing þar sem fjöl­mennur hópur fólks hvetur Heiðu til dáða. Má meðal ann­ars finna marga þekkta stjórn­mála­menn á list­anum.

„Heiða Björg Hilm­is­dóttir, borg­ar­stjóri er sönn bar­áttu­kona fyrir jöfn­uði og jafn­rétti. Hún hefur ítrekað leitt jafn­að­ar­fólk til valda og haft afger­andi for­ystu um mik­il­vægar sam­fé­lags­breyt­ingar í anda jafn­að­ar­stefn­unnar. Hún hefur yfir­burða þekk­ingu og reynslu af borg­ar­málum. Heiða Björg er sig­ur­veg­ari og manna­sættir, póli­tískur dugn­að­ar­forkur sem lætur verkin tala!“ stendur meðal ann­ars í aug­lýs­ing­unni.