Félag borgarfulltrúa fer í mál við Reykjavík

Íþrótta­fé­lagið Fylkir hefur ákveðið að fara í mál við Reykja­vík­ur­borg en Morg­un­blaðið greinir frá þessu.

Málið er sér­stak­lega áhuga­vert í ljósi þess að for­maður Fylkis er Björn Gíslason en hann er einnig borg­ar­full­trúi Sjálf­stæð­is­flokks­ins, sem er í minni­hluta í borg­ar­stjórn Reykja­víkur.

„Þetta er átta ára gam­alt mál og er eig­in­lega alveg fárán­legt. Menn eru búnir að fá nóg,“ segir Björn við Morg­un­blaðið um málið.

Fylkir vill meina að borgin hafi ekki staðið við samn­ing sem gerður var árið 2017 en þá fékk borgin lóðir félags­ins við Hraunbæ til að nota í byggja íbúðir í stað þess að fá nýjan knatt­spyrnu­völl og fé til að klára áhorf­enda­stúku við völl­inn. Samkvæmt Birni átti félagið einnig að fá hluta af lóða­verði til að nota í aðra upp­bygg­ingu á aðstöðu félags­ins.

Langt er síðan íbúð­irnar voru byggðar og seldar en ekki hafur verið gert upp við Fylki. Félagið telur að það eigi inni 260 millj­ónir króna hjá borg­inni.