Oddviti Miðflokksins í Hafnarfirði á lista yfir talsmenn hælisleitenda

Einar Geir Þor­steins­son, lög­maður og odd­viti Mið­flokks­ins í Hafn­ar­firði í kom­andi sveit­ar­stjórn­ar­kosn­ingum, er skráður sem tals­maður hæl­is­leit­enda á Íslandi.

Kemur þetta fram í gögnum frá Útlend­inga­stofnun sem merkt eru 9. apríl 2026 en til þess að vera á list­anum þarf sér­stak­lega að sækja um það.

Mið­flokk­ur­inn hefur und­an­farin ár verið gagn­rýndur harð­lega fyrir orð­ræðu sína í garð útlend­inga og hæl­is­leit­enda og hafa sumir sagt flokk­inn ýta undir kyn­þátta­for­dóma en flokks­menn hafa neitað fyrir slíkt.

Til þess að fá skrán­ingu á list­anum þarf tals­maður að vera lög­fræð­ingur með þekk­ingu á málum er lúta að alþjóð­legri vernd og flótta­fólki, hafa lokið emb­ætt­is­prófi eða grunn- og fram­halds­prófi í lög­fræði, hafa gott vald á íslensku í ræðu og riti og hafa reynslu og hald­bæra þekk­ingu af stjórn­sýslu­rétti.

Á núver­andi lista skráðir tæp­lega 130 manns.

Mannlíf ræddi við Einar Geir um list­ann, stefnu Mið­flokks­ins og kom­andi sveit­ar­stjórn­ar­kosn­ingar.

„Þetta var þannig að þegar ég var í lög­manns­prófi til að öðl­ast lög­manns­rétt­indi þá var fólk hvatt til að skrá sig á list­ann og það er svo sem ekk­ert við það að setja út á, myndi ég segja,“ segir Einar um veru sína á list­anum.

„Ég hef tekið að mér eitt mál og þannig öðl­að­ist ég mikla inn­sýn í þennan mála­flokk, hver staðan er í þessu, allar þessar fjár­veit­ingar sem fara í þetta og þessi opni tékki sem tals­menn eru með þannig að ég myndi bara segja að það sé gott að hafa þessa inn­sýn.“

Að sögn Einars þurfti skjól­stæð­ingur hans að bíða mjög lengi í kerf­inu.

„Ég mætti þarna á einn fund af því var tals­maður þessa ein­stak­lings og það gerð­ist ekk­ert í fleiri fleiri mán­uði og ég hugs­aði „Hvernig getur þetta kerfi gengið upp?“ því þarna er ein­stak­lingur sem sækir um vernd, eða hvað sem það var. Ég man ekki alveg hver umsóknin var og síðan dagar þessi ein­stak­lingur uppi í marga marga mán­uði að bíða eftir nið­ur­stöðu.“

Varðandi stefnu flokks­ins í mál­efnum hæl­is­leit­enda í Hafn­ar­firði ítrekar odd­vit­inn að þetta sé fyrst og fremst pen­inga­mál og snú­ist ekki um andúð gegn erlendu fólki.

„Þetta snýst um það að byrði Hafn­ar­fjarðar er mun meiri en ann­arra sveit­ar­fé­laga. Þetta snýst ekki um andúð á útlend­ingum eða hvernig sem þetta er sett upp, þetta snýst um kostn­að­ar­lið­inn, þetta snýst um jafn­ræði milli sveit­ar­fé­laga og sann­girni í þessum mála­flokki,“ segir Einar.

Varðandi kom­andi sveit­ar­stjórn­ar­kosn­ingar segir Einar að það sé góð stemm­ing í Hafn­ar­firði fyrir Mið­flokknum og von­ast flokk­ur­inn til að ná að minnsta kosti tveimur mönnum inn í bæj­ar­stjórn Hafn­ar­fjarðar.