Breyta lögum um réttindi fatlaðs fólks

Alþingi hefur sam­þykkt ný lög um rétt­inda­vernd fatl­aðs fólks sem leysa af hólmi eldri lög um rétt­inda­gæslu fyrir fatlað fólk. Markmið lag­anna er að tryggja fötl­uðu fólki við­eig­andi stuðn­ing við vernd rétt­inda sinna, efla jafn­rétti og bæta aðgengi að þjón­ustu.

Í lög­unum er lögð sér­stök áhersla á að sjálfs­á­kvörð­un­ar­réttur fatl­aðs fólks sé virtur og að réttar­ör­yggi sé tryggt þegar grípa þarf til inn­gripa í líf ein­stak­linga. Við und­ir­bún­ing lag­anna var horft til samn­ings Sam­ein­uðu þjóð­anna um rétt­indi fatl­aðs fólks.

Lögin skýra einnig hlut­verk rétt­inda­gæslu og verka­skipt­ingu milli sýslu­manna og rétt­inda­gæslu, auk þess að bæta aðgengi ákveð­inna hópa fatl­aðs fólks að fjár­málum sínum og ein­falda máls­með­ferð í málum sem varða nauð­ung í þjón­ustu.

„Lögin marka mik­il­vægt fram­far­ar­skref í því að tryggja fötl­uðu fólki jafn­ræði og auka þátt­töku þess og inn­gild­ingu í sam­fé­lag­inu. Með þeim er rétt­inda­vernd styrkt, sjálfs­á­kvörð­un­ar­réttur betur tryggður og skýr­ari umgjörð sköpuð um þá þjón­ustu og þann stuðn­ing sem fólk á rétt á,“ segir Ragnar Þór Ing­ólfs­son, félags- og hús­næð­is­mála­ráð­herra.