Ánægja leigjenda Félagsbústaða aldrei mælst meiri

Nið­ur­stöður þjón­ustukönn­unar Félags­bú­staða 2026 sýna að ánægja leigj­enda hjá félag­inu hefur aldrei mælst hærri. Rúmlega 86% leigj­enda segj­ast vera mjög eða frekar ánægð með að leigja hjá Félags­bú­stöðum og hefur ánægjan auk­ist jafnt og þétt und­an­farin ár.

Hlutfall mjög ánægðra leigj­enda er nú 55,5%, sam­an­borið við 44,2% árið 2018. Með­al­ein­kunn fyrir almenna ánægju leigj­enda með að leigja hjá Félags­bú­stöðum er 4,32 af 5, sem er hæsta gildi frá upp­hafi mæl­inga. Könnunin sýnir einnig að við­horf leigj­enda til þjón­ustu Félags­bú­staða hefur farið batn­andi á und­an­förnum árum.

Ánægja með þjón­ustu félags­ins mælist nú 4,03 af 5 og hlut­fall þeirra sem eru mjög ánægð með þjón­ust­una er komið í 44,7%, sam­an­borið við 31,2% árið 2018.

Traust til Félags­bú­staða hefur einnig auk­ist. Hlutfall þeirra sem gefa félag­inu hæstu ein­kunnir fyrir traust er nú 43% og heild­ar­skor trausts er +34, sem er hæsta traustsmæling félags­ins til þessa. Þá hefur vilji leigj­enda til að mæla með Félags­bú­stöðum styrkst veru­lega. Hlutfall hvetj­enda er komið í 60,6% og heild­ar­skorið er +44, sem er einnig hæsta gildi sem mælst hefur.

Markviss vinna

„Það er sér­lega gleði­legt að sjá að ánægja, upp­lifun og traust leigj­enda til Félags­bú­staða hefur farið batn­andi ár frá ári. Þessar nið­ur­stöður sýna að mark­viss vinna okkar við að bæta þjón­ustu, efla sam­skipti og bregð­ast betur við er að skila sér. Við tökum nið­ur­stöð­unum sem hvatn­ingu til að halda áfram á sömu braut og gera enn betur,“ segir Sigrún Árna­dóttir fram­kvæmda­stjóri Félags­bú­staða.

Heild­ar­nið­ur­staða könn­un­ar­innar er að bæði þjón­ustu­mæli­kvarðar og mæli­kvarðar á traust, ánægju og með­mæli hafa styrkst. Það bendir til þess að umbætur í þjón­ustu og sam­skiptum séu að skila sér í betri upp­lifun leigj­enda og jákvæð­ara við­horfi til Félags­bú­staða. Félags­bú­staðir hafa frá stofnun gegnt lyk­il­hlut­verki á hús­næð­is­mark­aði í Reykja­vík og eru Félags­bú­staðir í dag eitt stærsta leigu­fé­lag lands­ins. Félags­legt leigu­hús­næði þess nemur um 5,2% af heild­ar­fjölda íbúða í borg­inni, sem er yfir mark­miðum hús­næð­is­á­ætl­unar Reykja­vík­ur­borgar.