Stal bíl við Skeifuna og setti röng skráningarmerki á hann

Hér­aðs­dómur Reykja­víkur kvað í gær upp dóm yfir karl­manni fyrir nytja­stuld, skjala­brot, umferð­ar­laga­brot og þjófnað. Maðurinn var dæmdur í 90 daga fang­elsi og sviptur öku­rétti ævi­langt frá birt­ingu dóms­ins.

Samkvæmt ákæru tók mað­ur­inn bif­reið ófrjálsri hendi við Skeifuna í Reykja­vík í apríl 2024. Hann setti röng skrán­ing­ar­merki á bif­reið­ina í blekk­ing­ar­skyni og ók henni þannig, sviptur öku­rétti og undir áhrifum ávana- og fíkni­efna. Í blóð­sýni mæld­ist bæði metýlfeni­dat og mor­fín. Lögregla stöðv­aði akst­ur­inn við Höfða­bakka. Þá var mað­ur­inn einnig ákærður fyrir að stela mat­vöru að verð­mæti rúm­lega 17 þús­und krónur úr verslun Krón­unnar í júní sama ár.

Maðurinn ját­aði brot sín ský­laust fyrir dómi og var málið dæmt án frek­ari sönn­un­ar­færslu. Samkvæmt saka­vott­orði á hann tals­verðan saka­feril að baki, meðal ann­ars fyrri sáttir og dóma vegna akst­urs undir áhrifum áfengis og fíkni­efna, akst­urs sviptur öku­rétti og þjófn­aðar. Meðal ann­ars var honum árið 2024 gerð refs­ing í einu lagi þegar skil­orð eldri dóms var dæmt upp.

Við ákvörðun refs­ingar leit dóm­ur­inn til þess að um ítrekuð brot væri að ræða innan ítrek­un­ar­tíma, bæði hvað varðar akstur undir áhrifum og auðg­un­ar­brot. Var það talið til refsi­þyng­ingar, en ský­laus játn­ing manns­ins var á hinn bóg­inn metin honum til máls­bóta. Ekki þótti til­efni til að skil­orðs­binda refs­ing­una í ljósi saka­fer­ils hans.

Þá var mað­ur­inn dæmdur til að greiða allan sak­ar­kostnað máls­ins, sam­tals 186.888 krónur