Í dagbók lögreglunnar frá því í gærkvöldi og í nótt er greint frá því að ölvaður maður hafi áreitt annað fólk við strætóskýli og var sá maður handtekinn af lögreglu.

Ökumaður var stöðvaður í akstri grunaður um akstur undir áhrifum áfengis. Í ljós kom að hann var einnig án ökuréttinda. Hann var látinn laus eftir hefðbundið ferli.

Aðili handtekinn var fyrir líkamsárás. Sá neitaði einnig að segja til nafns og við komu á lögreglustöð réðist viðkomandi á starfsmenn lögreglu. Hann var vistaður í fangaklefa vegna ástands að sögn lögreglu.

Talsvert var af minniháttar málum í miðbænum vegna óláta og slagsmála.