Sú stórfrétt að Bjarni Benediktsson, fyrrverandi formaður Sjálfstæðisflokksins, var ráðinn sem framkvæmdastjóri Samtaka atvinnulífsins hefur vakið upp spurningar. Ein sú ágengasta er sú að aðstoðarframkvæmdastjóri SA er náfrænka hans. Anna Hrefna Ingimundardóttir. Hún og Bjarni eru bræðrabörn af ætt Engeyinga sem hafa þannig tögl og haldir í samtökunum. 

Bjarni á sér langa og umdeilda fortíð sem einn af helstu ráðamönnum ríkisins. Starfið sem talsmaður SA þykir vera fremur snautlegt í þeim samanburði en launin eru ekkert slor eða 4 milljónir króna á mánuði. Þá þykir það ekki endilega henta Bjarna þar sem starfinu fylgir að vinna að samningum með róttæku fólki á borð við Sólveigu Önnu Jónsdóttur, foringja Eflingar, og Höllu Gunnarsdóttir formanni VR. Fremur ólíklegt er talið að Bjarni verði sá mannasættir sem þarf í starfinu. 

Loks er nefnt að starfinu fylgi mikið álag á vissum tímum en Bjarni sé fremur hvílufús og því vanur að hafa þjóna á hverjum fingri og nægan tíma til að stunda golf og laxveiði ...