Dorrit Moussaieff, fyrrum forsetafrú Íslands hitti hinn þekkta kynlífsráðgjafa Esther Patel á dögunum og þáði frá henni ráð.
Dorrit birti ljósmynd og myndskeið á Instagram í gær en þar má sjá hina belgísku Ester Patel, sem er sjúkraþjálfari og frægur sambands- og kynlífsráðgjafi, skoða demanta með Dorrit. Við ljósmynd af þeim tveimur skrifar forsetafrúin fyrrverandi:
„Ég var svo glöð að fá nokkur ráð frá Esther! Skyldulestur á mating in captivity!“ en þar var Dorrit að tala um bók Patel, Mating in Captivity: Unlocking Erotic Intelligence sem kom út árið 2006 og vakti gríðarlega mikla athygli og hefur verið þýdd yfir á 24 tungumál.
Árið 2015 hélt Patel TED-fyrirlestur um framhjáhöld en þar talaði hún um það hvernig megi komast yfir framhjáhöld, ástæðuna fyrir framhjáhöldum og hvað þau í raun þýði.
Dorrit hefur verið talsvert mikið í fjölmiðlum undanfarið vegna tengsla sinna við Ghislaine Maxwell og Jeffrey Epstein en í febrúar tók Mannlíf viðtal við hana sem vakti mikla athygli.
Hér fyrir neðan má sjá TED-ræðu Estherar Patel um framhjáhöld.
