Bresk fjölskyla gagnrýnir húsbílaleiguna Indie Campers í harðorðri færslu sem hefur vakið mikla athygli á samfélagsmiðlum eftir að draumafrí þeirra á Íslandi breyttist í algjöra martröð. Viðskiptavinirnir saka fyrirtækið um alvarlegt vanefndabrot, skort á neyðaraðstoð og brot á eigin leigusamningi eftir að húsbíll þeirra bilaði tæpum stundarfjórðungi eftir afhendingu.
Indie Campers á Íslandi býður upp á leigu á húsbílum og tjaldvögnum (camper vans) fyrir ferðamenn. Fyrirtækið er staðsett nálægt flugvellinum í Keflavík þar sem afhending fer fram.
Fyrirtækið hótaði að afabóka ferðina
Nokkuð margir sem hafa nýtt sér þjónustan hafa kvartað undan svipaðri reynslu í athugasemdum undir færsluna.
Samkvæmt frásögn fjölskyldunnar hófust vandamálin strax fyrir komuna til landsins þegar fyrirtækið hótaði að afbóka ferðina vegna meints greiðsluskorts. Það tók viðskiptavinina tvo daga að sanna greiðsluna með bankayfirlitum. Á afhendingardegi þurfti fjölskyldan jafnframt að bíða í átta og hálfa klukkustund eftir bílnum, þrátt fyrir að hafa mætt tímanlega um morguninn.
Alvarlegasta atvikið átti sér stað skömmu eftir að lagt var af stað frá starfsstöð fyrirtækisins. Húsbíllinn bilaði á miðjum þjóðveginum og sat fjölskyldan þar föst með tvö ung börn, án vatns og birgða. Þegar leitað var eftir aðstoð hjá Indie Campers fengust þau svör að starfsstöðinni yrði lokað eftir 15 mínútur og ekkert yrði gert fyrr en daginn eftir. Í kjölfarið sleit þjónustufulltrúi sambandinu.
Fjölskyldunni var tjáð að hún myndi sjálf bera allan kostnað og ábyrgð á skemmdum ef hún kallaði til dráttarbíl, sem er í beinni mótsögn við skilmála leigunnar. Þegar fjölskyldan komst loks aftur á starfsstöðina daginn eftir hafði starfsfólk enga vitneskju um málið. Eftir frekari tafir var þeim gert að taka við minni og lakari bíl, en fyrirtækið neitaði að endurgreiða verðmismuninn eða bæta þá tvo daga sem glötuðust úr fríinu.
Viðskiptavinirnir lýsa þjónustuveri Indie Campers sem hinu versta sem þeir hafa upplifað og segja starfsfólk fela sig á bak við óskilgreindar „reglur fyrirtækisins“ til að firra sig ábyrgð á gallaðri vöru. Málið er nú til meðferðar og hvetur fjölskyldan aðra ferðamenn til að sýna fyllstu varúð og kynna sér umsagnir áður en viðskipti eru sögð við fyrirtækið.
