Fallegt og vel viðhaldið 6 herbergja einbýlishús á vinsælum stað hefur verið sett á sölu á 129,9 milljónir króna.

Húsið, sem var byggt árið 1991, stendur á útsýnisríkum stað með einstöku sjávarútsýni og skjólgóðum palli sem snýr til vesturs.

Húsið hefur fengið gott viðhald í gegnum tíðina og var það múrviðgert að utan árið 2025 af múrarameistara.

Eignin býður upp á fjögur rúmgóð svefnherbergi með möguleika á að bæta við fimmta herberginu eftir þörfum. Þá er stórt geymsluloft yfir húsinu sem nýtist vel til geymslu. Húsið þykir vandað að allri gerð og hentar vel fjölskyldum sem leita að rými og góðu skipulagi.

Bílskúr fylgir eigninni og er hann vel búinn með inngönguhurð og bílskúrshurð, auk þess sem þar er bæði heitt og kalt vatn og rafmagn. Fjórir gluggar eru á annarri hlið bílskúrsins sem tryggja góða birtu.

Staðsetning eignarinnar er talin mjög góð, þar sem stutt er í skóla, leikskóla og útivistarsvæði, þar á meðal golfvöll í nágrenninu. Samkvæmt lýsingu er um að ræða eign sem sameinar fallegt útsýni, góða aðstöðu og eftirsótta staðsetningu.