Ljósmyndarinn og listamaðurinn Saga Sigurðardóttir og Vilhelm Anton Jónsson, betur þekktur undir viðurnefninu Villi naglbítur, eiga von á sínu öðru barni saman. Vilhelm á fyrir tvö börn úr fyrra sambandi og stækkar fjölskyldan því enn frekar með nýjum fjölskyldumeðlimi síðar á árinu.

Parið greindi frá gleðitíðindunum á samfélagsmiðlum í gær þar sem þau birtu fallega mynd af sér saman. Með myndinni skrifuðu þau einfaldlega: „Eigum von á lítilli vog,“ og vísa þar með til þess að barnið er væntanlegt í haust þegar vogarmerkið ríkir.

Á myndinni má sjá Sögu með myndarlega óléttukúlu á meðan Vilhelm heldur utan um hana með hlýlegum hætti. Færslan vakti athygli fylgjenda þeirra og fjölmargir sendu parinu hamingjuóskir í athugasemdum.