Alríkislögregla Rússlands (FSB) segist hafa komið í veg fyrir morðtilræði gegn háttsettum lögreglumanni með sprengju sem falin var í rafhlaupahjóli.

Að sögn FSB fannst hlaupahjólið fyrir utan viðskiptamiðstöð í Moskvu, þar sem rafhlöðubanki hafði verið útbúinn með sprengibúnaði í geymsluhólfi þess. Rannsakendur fundu heimatilbúið sprengiefni sem innihélt um 1,5 kíló af plastsprengiefni ásamt málmbrotum, svo sem boltum og róm. Búnaðurinn var sagður stjórnaður í gegnum WiFi-tengingu við svokallað „snjallheimakerfi“ og 4G-módem.

FSB heldur því fram að úkraínska leyniþjónustan hafi staðið að baki áætluninni og ætlað að sprengja tækið með fjarstýringu. Ekki var þó greint frá því hver hafi verið skotmarkið né nákvæmlega hvar hlaupahjólið fannst.

Þá segir FSB að sambærileg aðferð hafi verið notuð í desember 2024 þegar Igor Kirillov, yfirmaður rússneskra varnarsveita gegn kjarnorku-, efna- og líffræðilegum ógnum, lést þegar sprengja sem falin var undir rafhlaupahjóli sprakk fyrir utan heimili hans.