Tónlistarmaðurinn Ray J vakti athygli í nýlegu viðtali í þættinum „Funky Friday“ með Cam Newton þegar hann hélt því fram að hann hefði sofið hjá 12.500 konum á ævinni.

Samkvæmt Ray J var jafnvel haldin sérstök veisla honum til heiðurs á skemmtistaðnum Booby Trap þar sem allt að 500 konur voru viðstaddar. Hann fullyrti jafnframt að hann hefði átt í samskiptum við fjölda þeirra sömu nótt.

Cam Newton brást efins við þessum tölum í viðtalinu og benti á að slíkt jafngilti því að Ray J hefði að meðaltali verið með fleiri en einni konu á dag í um þrjá áratugi. Ray J stóð þó fast við orð sín og sagði að samhengi skipti máli, sérstaklega á tónleikaferðalögum þar sem hann sagðist stundum hafa verið með fimm til tíu konum á dag.

Þrátt fyrir að segjast hafa hægt á sér undanfarin ár grínaðist hann með að eiga enn „þúsund eftir“.

Ummælin hafa vakið talsverða athygli á samfélagsmiðlum og skipt netverjum í fylkingar um hvort fullyrðingar hans séu trúverðugar eða ekki.

Ray J er flestum þekktur sem fyrrverandi kærasti Kim Kardashian en kynlífmyndband af þeim lak á internetið árið 2007 og skaut Kim til stjörnufrægðar.