Dýraverndarsamband Íslands hefur útnefnt Ingiveig Gunnarsdóttir Dýraverndara ársins 2025 fyrir óeigingjarnt starf í þágu andfugla á höfuðborgarsvæðinu. Þetta kemur fram í tilkynningu frá sambandinu.

Ingiveig er stofnandi dýravelferðarsamtakanna Dýravaktarinnar sem hafa undanfarin ár sinnt reglubundinni fóðrun andfugla yfir vetrarmánuðina. Samkvæmt tilkynningunni hefur það verið fuglunum afar mikilvægt þar sem margir þeirra reiða sig á slíka aðstoð til að komast af.

Þar kemur jafnframt fram að sjálfboðaliðar samtakanna hafi aðstoðað fjölda slasaðra fugla, meðal annars fugla sem hafa flækst í rusli eða þurft á umönnun dýralækna að halda. Ingiveig hafi leitt það starf af miklum myndarskap.

Dýraverndarsambandið segir Ingiveigu einnig hafa átt stóran þátt í að vekja athygli sveitarfélaga og almennings á stöðu andfugla og mikilvægi bættrar velferðar þeirra.