Til stendur að halda kvennaverkfall þann 24. október næstkomandi en eins og margir muna eftir tóku yfir 100 þúsund konur og kvár þátt í verkfallinu árið 2023.

Á þeim fundi var sett fram krafa um aðgerðir og lagabreytingar, aðgerðir gegn ofbeldi, launamuni kynjanna, til að bæta stöðu mæðra og að útrýma mismunun á vinnumarkaði.

„Nú er komið að skuldadögum,“ segir í tilkynningu um verkfallið.

Verkfallið var kynnt fyrir blaðamönnum fyrr í dag fyrir framan Alþingishúsið, við styttu Ingibjargar H. Bjarnadóttur, og var innheimtubréf í formi skiltis lagt við styttuna af Ingibjörgu.