Fyrrverandi dómsmálaráðherra Ísraels, Yossi Beilin, segir að þáttaskil gætu orðið í stefnu Ísraels gagnvart Palestínumönnum ef miðjuvinstrið nær kjöri í kosningunum í næstu viku.

Beilin sagði í samtali við Al Jazeera að hann vonaðist til þess að „alþjóðasamfélagið myndi hvetja hófsama Palestínumenn og hófsama Ísraela til að finna leiðina til friðar“.

„Þetta eru ekki bara falleg orð, því miðjuvinstrið hefur skuldbundið sig til að fylgja 20 punkta áætlun Donalds Trumps um að binda enda á stríð Ísraels á Gaza, en í henni er meðal annars gert ráð fyrir leið að stofnun palestínsks ríkis,“ sagði Beilin.

„Þeir tala ekki oft um palestínskt ríki, en þeir hafa formlega skuldbundið sig til þess. Það mun koma í ljós mjög fljótlega hvort þeir standa við það. Ef þeir segja nei verður enginn munur á núverandi ríkisstjórn og þeirri næstu, guð forði okkur frá því. En ef þeir fylgja því sem lagt er til í 20 punkta áætluninni gæti það markað þáttaskil í stefnu Ísraels,“ sagði Beilin.