Athygli vekur hversu langt Sigurður Hannesson, framkvæmdastjóri Samtaka iðnaðarins, gengur í pólitískum yfirlýsingum og jafnvel flokkspólitískum áróðri. Venjan er sú að framkvæmdastjórar slíkra samtaka fylgi stefnu stjórnar í stað þess að reka sína eigin pólitík. Sigurður er talinn vera Framsóknarmaður en þeir standa klofvega yfir í Miðflokk Sigmundar Davíðs Gunnlaugssonar. Sigurður hefur þótt gjarn á að senda núverandi meirihluta pillur í þá veru að gjöld og skattar hafi hækkað úr hömlu án þess að rökstyðja mál sitt. Þá hefur hann talað gegn aðild að Evrópusambandinu sem samtökin hafa lengst af stutt. 

Núverandi formaður stjórnar er Þorsteinn Víglundsson, fyrrverandi ráðherra Viðreisnar og eindreginn Evrópusinni. Hermt er að innan samtakanna séu margir ósáttir vegna áróðurs framkvæmdastjórans. Þá er gjarnan rifjað upp að Sigurður hefur sýnt áhuga á því að fá aðra vinnu. Hann var meðal annars einn umsækjenda um starf seðlabankastjóra á sínum tíma. Einhverjir meta það þannig að tryggð hans sé lítil og uppreisnin til þess fallin að hann eigi að fara ...