Frambjóðandi Sjálfstæðisflokksins í Vestmannaeyjum vakti athygli á samfélagsmiðlum í gær með óhefðbundnum og háðsádeilukenndum pistli um sólbrúnku og sjálfsmynd.

Ármann Halldór Jensson birti færslu þar sem hann sagðist „upplifa sjálfan sig sem mjög tanaðan einstakling“ þrátt fyrir að vera „fastur í líkama snjóhvíts rauðhauss“. Í færslunni óskaði hann jafnframt eftir því að vinir og kunningjar kæmu fram við hann í samræmi við þá sjálfsmynd. Sagði hann einnig nú sé „enn eitt sumarið að renna í garð og ég vil minna fólk á að það er oft erfiður tími fyrir rauðhærða.“

Þá lagði hann til ýmis gamansöm ummæli sem fólk gæti notað í samskiptum við sig, meðal annars athugasemdir um „geggjað tan“ og spyrja hvort hann væri nýkominn frá sólarlandaferð.

Kosningarnar fara fram í maí og skipar Ármann 8. sæti á lista Sjálfstæðisflokksins í Vestmannaeyjum.