Að minnsta kosti 53 Palestínumenn hafa verið drepnir í loftárásum Ísraels á Gaza frá því í morgun. Árásirnar fylgja aðvörun Ísraels um að tugþúsundir íbúa sem enn eru í Gaza-borg hafi nú „síðasta tækifærið“ til að flýja, ella mæta þeir „öllum þunga“ árásarherferðarinnar.
Ísraelski varnarmálaráðherrann Israel Katz skrifaði á X í gær að allir sem væru áfram í borginni yrðu taldir „hryðjuverkamenn og stuðningsmenn hryðjuverka“.
Hinar stanslausu sprengjuárásir sem gerðar hafa verið á stærsta þéttbýlissvæði Gaza, hefur drepið tugi manna á hverjum degi, lagt fjölmargar íbúðarbyggingar og skóla í rúst og þvingað tugþúsundir Palestínumanna til að flýja til suðurs, þar sem þeir eru oftar en ekki skotnir á leiðinni.
Fréttaritari Al Jazeera, Hani Mahmoud, greindi frá því í dag að ísraelski herinn fyrirskipaði fólki að yfirgefa Gaza-borg en elti það síðan eftir strandveginum til suðurs með þyrlum, drónum og skriðdrekum sem skapaði „óreiðu og skelfingu“. „Stór hluti ástæðunnar fyrir því að fólk yfirgefur ekki borgina núna er ótti og hótanir sem herinn beitir,“ sagði hann.
Að minnsta kosti 10 manns voru drepnir í Gaza-borg í dag. Þar að auki létust 13 manns í suðurhluta Gaza þegar þeir reyndu að nálgast mannúðaraðstoð. Með þeim bætist fjöldi fórnarlamba sem hafa verið drepin í árásum á fólk sem leitar sér matar í hungursneyðinni sem Ísrael hefur valdi, og telur nú um 2.600 manns og um 19.000 hafa verið særðir.
Heildartala látinna frá upphafi stríðsins 7. október 2023 er nú komin í að minnsta kosti 66.225 manns og 168.938 hafa verið særðir, samkvæmt heimildum Al Jazeera. Eftir að Ísrael braut einhliða vopnahléið í mars hefur fjöldi látinna numið 13.357 og særðra 56.897.
Í dag var barn einnig drepið í drónaárás Ísraels í Ansar-hverfi, vestur af Gaza-borg. Níu manns voru drepnir og 13 særðir þegar flóttamenn voru gerðir að skotmarki í miðhluta Gaza. Í al-Bureij flóttamannabúðunum létust maður og kona hans í drónaárás á hús þeirra.
Annar Palestínumaður var drepinn og yfir 10 særðust í árás sunnan við Deir el-Balah. Í Khan Younis særðust átta manns þegar dróni sprengdi tjaldbúðir flóttamanna á háskólasvæði Al-Aqsa í al-Mawasi, sem Ísrael hefur ítrekað ráðist á þrátt fyrir að hafa lýst því sem „öruggu svæði“.
Þrátt fyrir linnulausar loftárásir til að neyða fólk til suðurs velja sumir að snúa aftur norður á bóginn, í mikilli hættu. Tugþúsundir hafa verið neyddar til að fara þessa hættulegu leið suður á bóginn undan sprengjuregni.
Á miðvikudag greindi fjölmiðlaskrifstofa Gaza frá því að ísraelski herinn hefði lokað al-Rashid-götunni, „einni af mikilvægustu slagæðum sem almenningur treystir á til ferða milli héraða Gaza“.
Vegna harðnandi átaka tilkynnti Alþjóðaráð Rauða krossins (ICRC) á miðvikudag að það hefði tímabundið stöðvað starfsemi sína í Gaza-borg, líkt og Læknar án landamæra (MSF) höfðu gert viku áður.
„Við munum áfram leitast við að veita íbúum Gaza-borgar Gaza-borg hvenær sem aðstæður leyfa, frá skrifstofum okkar í Deir el-Balah og Rafah sem enn eru starfræktar,“ sagði í yfirlýsingu ICRC.
Á meðan heldur Hamas áfram að fjalla um tillögu Bandaríkjanna um vopnahlé. Ekki er ljóst hvort þeir muni samþykkja hana þar sem hún er að miklu leyti talin þjóna markmiðum Ísraels.
