Nexus-skólanum í Tonbridge í Kent var lokað í gær og í dag vegna hörmulegs fráfalls Colin Jewhurst, starfsmanns sem var „ástsæll“ og „mikils metinn“. Fram kemur að Jewhurst hafi starfað hjá skólanum í meira en sjö ár og verið afar vinsæll meðal starfsfólks og nemenda.

Í tölvupósti sem skólastjórinn Scott Jarred sendi foreldrum sagði hann:

„Það er með mikilli sorg sem ég tilkynni að Colin Jewhurst, mikils metinn meðlimur starfsmannahóps okkar, lést á skólasvæðinu í gærkvöldi eftir veikindakast.“

Hann bætti við:

„Colin hafði verið hluti af Nexus-samfélaginu í meira en sjö ár og var afar elskaður starfsmaður. Hann var alltaf tilbúinn að hjálpa öðrum, með bros á vör og hlýlega nærveru innan skólans.“

Eiginkona Colins, Rowena sagði í yfirlýsingu: „Hann var harðduglegur og frábær eiginmaður, pabbi, stjúppabbi og afi.“

Skólinn þjónar um 296 nemendum á aldrinum tveggja til nítján ára með djúpar og flóknar sérþarfir.

Foreldrum og forráðamönnum var tilkynnt á mánudag að skólinn yrði lokaður á þriðjudag en opnaði aftur á miðvikudag.

Scott Jarred sagði ákvörðunina hafa verið tekna þar sem starfsfólk hefði ekki fengið fregnirnar kvöldið áður og því hefði dauðsfallið verið mikið áfall fyrir skólasamfélagið.

„Við töldum mikilvægt að starfsfólkið fengi tíma og rými til að vinna úr þessum sorglegu tíðindum, styðja hvert annað og hefja sorgarferlið,“ sagði hann.

Þá sagði hann að starfsfólk myndi ræða við nemendur um andlátið þegar kennsla hæfist aftur, þar sem margir nemendur hefðu átt náið og jákvætt samband við Jewhurst.

Á heimasíðu skólans kom fram að lokað væri vegna „ófyrirséðra og sérstakra aðstæðna“.