Söngkonan Trina Braxton hefur tilkynnt að eiginmaður hennar, Von Scales, sé látinn.

Talsmaður Braxton-fjölskyldunnar sagði við bandaríska fréttamiðilinn TMZ: „Það er okkur þungbært að tilkynna andlát Von Scales, ástkærs eiginmanns Trinu Braxton.“

Talsmaðurinn bætti við: „Fjölskyldan er þakklát fyrir hlýjar hugsanir og bænir en biður jafnframt um friðhelgi einkalífs á þessum erfiðu tímum.“

Heimildarmenn nákomnir fjölskyldunni segja við TMZ að Von hafi látist um klukkan tvö í nótt í Atlanta. Samkvæmt heimildarmönnunum hafði hann glímt við hjartavandamál. Dánarorsök hans hefur ekki verið staðfest.

Trina og Von gengu í hjónaband árið 2019 og var brúðkaupið sýnt í raunveruleikaþáttaröð fjölskyldunnar, The Braxtons en Trina er systir stórsöngkonunnar Toni Braxton.

Hjónabandið var stofnað ári eftir að fyrrverandi eiginmaður Trinu, Gabriel Solis, lést.

Von Scales var 58 ára að aldri.