Nóttin var róleg hjá lögreglunni á höfuðborgarsvæðinu, samkvæmt dagbók hennar.
Lögreglu barst tilkynning um yfirstandandi innbrot á veitingastað í miðbæ Reykjavíkur í gærkvöldi. Þegar lögreglan mætti á vettvang kom í ljós að um mikinn misskilning væri að ræða en „innbrotsmennirnir“ voru starfsmenn veitingastaðarins að þrífa staðinn.
Þá var tilkynnt um líkamsárás í miðborginni og slys þar sem kona nokkur hafði dottið niður nokkrar tröppur.
Í Kópavogi barst svo tilkynning um ógnandi mann á hóteli en lögreglan mætti á vettvang og spjallaði við manninn. Hann kannaðist hins vegar ekkert við ógnandi hegðum. Lofaði hann þó lögreglu að vera rólegur.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir