Eitt og annað gekk á hjá lögreglunni á höfuðborgarsvæðinu á milli 05:00 í morgun og til 17:00 í dag en einn maður gistir fangageymslur er þetta er ritað.
Hér eru nokkur dæmi:
Óvelkominn maður var handtekinn í verslun í hverfi 104 í Reykjavík en hann var látinn laus að loknum viðræðum og aðstoð. Ökumaður í sama hverfi var stöðvaður grunaður um ölvunarakstur en var laus að lokinni blóðsýnatöku.
Í Grafarholtinu var tilkynnt um þjófnað í verslun en málið var afgreitt á vettvangi.
Í Hafnarfirði var ökumaður stöðvaður í akstri en við athugun kom í ljós að hann var sviptur ökuréttindum. Málið var afgreitt á staðnum. Þá var einnig tilkynnt um þjófnað í verslun í sama bæ en málið afgreitt á vettvangi.
Í Kópavogi barst tilkynning um húsbrot, þjófnað og eignarspjöll en einn maður í annarlegur ástandi var handtekinn og vistaður í fangageymslu.
Tilkynning barst um líkamsárás í Breiðholtinu en gerandinn var farinn þegar lögreglu bar að garði. Vitað er hver aðilinn er en þolandinn hlaut minniháttar meiðsli.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir